Ra’iisul wasaare ku-xigeenka dalka Turkiga Bekir Bozdağ ayaa shaaca ka qaaday in kaalmada ay u fidiyaan shacabka Soomaaliyeed aysan ka laheyn ajandayaal qarsoon, ayna sii wadi doonaan taageeridda ummadda Soomaaliyeed, hase ahaatee gar-gaarkoodi uu yahay mid bini’aadannimo oo lagu samata bixinayay dad ay isugu darsameen abaaro iyo colaado kuwaasi oo u baahan gar-gaar dhinac waliba leh.

Ku xigeenka Ra’iisul wasaaraha dalka Turkiga ayaa sheegay in dowladda KMG ah ay ka caawinayaan sidii ay ugu qeyb qadaan laheyd samata bixinta dadka barakacayaasha ah, ayna ka taageerayaan dhinaca Caafimaadka iyo adeegyada kala duwan ee aas aasiga u ah nolosha.

Mr. Bekir Bozdağ ayaa sheegay in dowladda Tukriga ay qaadatay go’aan xasaasi ah xilli beesha caalamka ay indhaha ka qarsanaysay waxyaabaha Soomaaliya ka socday, Bakiir ayaa ugu baaqay beesha Caalamka inay sii wadaan gar-gaarkii ay u fidinayeen shacabka Soomaaliyeed si looga hortago inaysan soo laaban macluushii iyo Caafimaad daridii ka dhacday Soomaaliya muddooyinkii lasoo dhaafay.

Diirad News Desk

This e-mail address is being protected from spambots. You need JavaScript enabled to view it